කවියෙකුට මියැදෙන්න හොඳම තැන

පිරිමි පපුවක

රස්නේ දැනෙම තැනක..

හඳවතේ නිදි වැරුම..

සිහිල් සිල් නද

නොනිමෙනා පන් මැඳ

බෝ දළුත් දැහැනට වැදී..

නිවන් යන්නට

ඔන්න මෙන්නම

රෑ සදත් දැහැනට වැදී..

මටත් හිමි ඇති

පෙමක් වත් නැති

පාළු හිත ඇයි

තවම දැහැනින් මිදී..

එක් ටැම් විමානේ

මම ම හදා ගත් එක් ටැම් ගෙයි 

දොරගුළු අස්සෙන් රිංගා..

පිටමං මිනිහෙක් ගෙට වද්දාගෙන 

අරුමැති දුක් ගින්දර වින්දා.

මම ම විවර කළ 

එක්ටැම් දොරකඩ පින්නා..

දේව දූතයෙක් බහිරවයෙක් වී 

මගෙ හිත ආයෙත් වික්කා..

මළවුන්ගේ අවුරුදු දා ..

ආදරණීය දෙවුන්දරා සං,

දිය කරගෙන

සීතල හිම..

ගිනියම් වෙන

පෙම් හඳවත..

තුරුළු කරන්..

නුඹ එනකන්..

මඟ බලාන

මම ඉන්නං..

මළ වුන්ගේ අවුරුදු දා..

****

-නොරිකෝ සං-

මල් වැස්ස..!!!

මල් වැස්ස..!!!

හුළඟ එක්ක 

හෙමින් ඇවිත්

තෙමපං 

මගේ පෙම් හඳවත..

රෝස පාට තොල් පෙති උඩ

හෝදාපං 

කළ පව් කඳ..

සුවඳෑති මල්

ගහකට 

බැරුවට 

ඉඹින්න

සුවඳැති 

මල් පිපෙනවා 

ඒ 

ගස් වල..

සමනලී..

විතෙන් මී මුධු 

මත්ව රඟදෙන..

මලින් මල රහ

හෙමින් සිපගෙන..

හොරෙන් හොරුහින්

මුකුළු කරගෙන..

එකින් එකකට.

වන්දනාවක යන.. 

සමනලිය මම..